Çirkli paltarlarımızı yuyur və bəlkə də onları heç geyinilməmiş təmiz vəziyyətə qaytarır. Bəs bu qədər təmiz və gigiyenik olduğuna inandığımız paltaryuyan maşınların təmizliyə ehtiyacı varmı? Cavab əlbəttə ki , bəli, var. Həmişə təmiz olduğunu düşünürük, çünki daim yuyur, amma paltaryuyan maşınları da təmizləmək lazımdır.

Vaxt keçdikcə yığılmış kirləri gözümüzlə görməsək də bölmələrdə qalan çirkli su və ya içərisində yaş paltarların uzun müddət saxlanılması kimi müxtəlif səbəblərə görə paltaryuyan maşının içi çirklənir, əgər paltaryuyan maşın düzgün təmizlənməsə, bu paltarlarda da pis qoxu yaranmasına səbəb ola bilər.

Paltaryuyan maşında bu qədər ciddi çirklilik və qoxu yaranmasının qarşısını almaq üçün vaxt aşırı təmizlənməsi mütləqdir. Bu təmizlik üçün müxtəlif kimyəvi maddələrlə təmizləyici məhsullar haqqında sizə məlumat verməyəcəyik. Paltaryuyan maşını evdə təbii üsullar ilə necə təmizləmək və daha gigiyenik təmizləyiciyə necə çevirmək barədə danışacağıq. Beləliklə, sözü çox uzatmadan paltaryuyan maşınların təmizlənməsi barədə biləcəyimiz detallara keçək.


 

Paltaryuyan maşının yuyucu toz qabını necə təmizləmək olar?

Paltaryuyan maşının içindəki bu hissə yuyucu tozun əlavə olunması üçün hazırlanmış bir sahə olsa da, təəccüblü dərəcədə çirklənir. Kif və onun törəmələri bu mühitdə tez məskunlaşa və zamanla bakteriya əmələ gətirə bilər. Paltarınızı təmizləməyə başlamaq üçün əla bir yer deyil, elə deyilmi?

Paltaryuyan maşını təmizləməyə başlamaq üçün maşının qarşısındakı yuyucu toz qabını çıxarın. Düzgün necə çıxarılacağına dair məsləhətə ehtiyacınız varsa, təlimatı nəzərdən keçirə bilərsiniz. Qabı isti, sabunlu suda isladın və köhnə bir diş fırçası istifadə edərək kifi və kirləri təmizləyin. Yaxşı yuyun və bir dəsmal ilə qurulayın. Geri qoymadan əvvəl boşluğu da təmizləyin. Orada da gizli kifin əmələ gəldiyini görə bilərsiniz.

Kifin qarşısını almaq üçün hər paltar yuyulduqdan sonra yuyucu toz qabını açıq qoyun. Çalışın  kifayət miqdarda yuyucu vasitənin istifadəsinə diqqət yetirin. Həddindən artıq yuyucu maddələrin doldurulması maşın içərisində bir sıra problemlər yaradacaq və nəticədə usta axtarışına çıxacaqsınız.

 

Paltaryuyan maşını sirkə ilə necə təmizləmək olar?

Yuyucu toz və yumşaldıcı hissənin təmizlənməsi əslində paltaryuyan maşın təmizləmək üçün ən sadə addımdır. Daha da əhəmiyyətlisi, əllərinizlə, gözlərinizlə çata bilmədiyiniz yerlərdə kif və əhəng olsa da, pis qoxuya səbəb olur və hətta paltaryuyan maşın zamanla sıradan çıxır. Bildiyiniz kimi, ağ sirkə əhənglə mübarizədə təbii üsullardan biridir. Sirkəyə əlavə olaraq da duz qatıldıqda, paltaryuyan maşınları kif, əhəng və pis qoxudan təmizləmək olduqca asandır. Bu da ağ camaşırları daha da ağ olmasına və ətirli paltarlar əldə etməyə kömək edəcəkdir.

Maşını ən isti dövrəyə (və ya ən azı 60ºC) qoyun və barabana 230 ml ağ sirkə tökün. Sirkə, paltaryuyan maşının təmizlənməsinə kömək edən mükəmməl bir həlldir. Bu bakteriyanı öldürməyin əla və təbii bir yoludur, su ilə durulama dövrü ərzində qoxusu yox olacaqdır.

Çalışın paltaryuyan maşının yanında bir şüşə ağ sirkə qoyun. Bu şəkildə, təmizlənmə qaydasını davam etdirməyi asanlıqla xatırlaya bilərsiniz.

 

Paltaryuyan maşını natrium bikarbonat və ya soda ilə necə təmizləmək olar?

Soda bikarbonatından istifadə ən sevimli təmizlik hiylələrindən biridir. Paltaryuyan maşındakı kirləri asanlıqla həll edəcək, soyuducudan xalçalara qədər olan hər şeyi təmizləmək üçün də istifadə edə bilərsiniz.

Yuyucu toz qutusuna iki yemək qaşığı soda bikarbonat əlavə edin, bu sabun kimi xidmət edəcəkdir. Soda və sirkə çirkləri təbii şəkildə parçalamaq və paltaryuyan maşını təmizləmək üçün birlikdə çalışır. İsti dövrədə işə başlaya bilərsiniz.

Daha sonra ayda bir dəfə artan qoxuları aradan qaldırmaq üçün boş isti bir yuma edə bilərsiniz, əlavə bir tədbir olaraq soda bikarbonat və ya sirkə əlavə etməyi unutmayın.

 

Paltaryuyan maşını quru saxlayın!

Bir paltaryuyan maşını təmizləmək yalnız təmizlənməni əhatə etmir. Kifin və qoxunun böyüməsinin qarşısını almaq üçün ilk növbədə düzgün qurudulmasını təmin etmək vacibdir.

Hər paltar yuma zamanı seçilmiş dövrənin tamamlanmasını gözləyin və maşına barabanın içərisini qurutmasına icazə verin. Pis qoxular və ya həddindən artıq çirklənmə davam edərsə, prosesi təkrarlaya bilərsiniz.

Qapısını hər yumadan sonra açıq qoymağa çalışın - ən azı içəridən və baraban quruyana qədər. Bu üsul içəridə kif və bakteriyaların böyüməsini azaldır.

 

Paltaryuyan maşınların rezin detallarını təmizləyin!

Yuyucu tozu qabı kimi maşının rezin hissəsi də kif və digər bakterialar üçün tam bir cənnətdir desək yanılmarıq . Bu hissədə paltarlarınızın ciblərində unutduğunuz əşyaların hissəciklərin tutmuş saça qədər tapa bilərsiniz.

Paltaryuyan maşınının rezin hissəsini sabunlu su ilə doymuş nəm bir parça istifadə edərək silməklə başlayın. Silərkən ehtiyatlı olun, çünki sərt qırıntılar rezini zədələyə bilər. Lazım gələrsə, inadkar kirlərə qarşı diş fırçasından istifadə etmək olar.

Paltaryuyan maşın istehsalçısının göstərişlərinə əsasən isti dərəcədə boş halda işlədin. Hər bir yuyulduqdan sonra, paltaryuyan maşını boşaltdıqda, rezinlər arasındakı boşluqlarda bir şey qalmadığını yoxlayın. Beləliklə, gələcəkdə rezin hissələrdə kifin böyüməsini dayandırmağın ən yaxşı yolu nədir? Çamaşır yuyulduqdan sonra paltaryuyan maşının qapısını bir neçə saat açıq qoymaq və mütəmadi olaraq yuxarıda göstərildiyi kimi təmizləmək.

 

Paltaryuyan maşının filtrini necə təmizləmək olar?

Paltaryuyan maşının aşağı ön hissəsində yerləşən filtri paltarlardakı sərt kir qırıntılarının,saçların, yunun və s. xırda hissəciklərin nasosa çatmasının qarşısını alır. Filtrin təmizlənməsi paltaryuyan maşının təmizlənməsində mühüm rol oynayır. Ancaq yuyucu qabdakı kimi, paltaryuyan maşınınızın pis qoxusuna səbəb ola biləcək kif və mikrobların yetişməsi üçün əla yerdir.

Filtrin necə çıxaralacığını öyrənmək üçün paltaryuyan maşınının təlimatlarına baxmalısınız. Təlimat kitabında filtri necə təmizləmək lazım olduğu da izah edilməlidir. Drenajdakı sızmalarını tutmaq üçün altına qab qoymalı ola bilərsiniz. Təmizlədikdən sonra qapağı diqqətlə yerinə keçirin.

Bu prosesi hər üç-dörd ayda bir təkrarlayın, paltaryuyan maşın daha yaxşı işləyəcəkdir.

 

Paltaryuyan maşınları dezodorasiya etmək üçün Natrium Perkarbonat istifadə edin!

Natrium perkarbonat da tez-tez 'camaşırxana ağartıcı' və ya 'oksigen ağartıcı' olaraq qeyd olunur və xoşagəlməz qoxuları olan paltaryuyan maşınları təravətləndirmək üçün həqiqətən yaxşı bir iş görür.

Həftəlik təmizlik üçün sodadan daha güclü, lakin maye ağartıcıdan daha etibarlıdır. Toz şəklində olur və natrium bikarbonat ilə eyni şəkildə istifadə edilməlidir.

 

Paltaryuyan maşının qoxusunu dayandır!

Paltaryuyan maşınızı təmizlədikdən sonra, pis qoxuların geri dönməsinin qarşısını almaq və paltaryuyan maşınının qoxusunu daha uzun saxlamağın ən asan yolları bunlardır:

- Paltaryuyan maşının qapağını açıq saxlayın. Bu, artıq nəm və kif yığılmasının qarşısını alır.

- Çox yuyucu vasitədən istifadə etməkdən çəkinin. Paradoksal olaraq, paltaryuyan maşın içərisində çox miqdarda yuyucu maddə toplanır və xoşagəlməz qoxular yaranır. Maye yuyucu vasitəyə üstünlük versəniz də, heç olmasa bəzən yuyucu tozdan istifadə etməyə çalışın.

- Qaynar suda yuyulmağı unutmayın. Soda kristallarını istifadə etməsəniz də, hər həftə isti bir yuyulma, paltaryuyan maşınının soyuq dövrlərə nisbətən daha yaxşı qoxusunu verəcəkdir.

- Çamaşırları qurğuya verməzdən əvvəl palçıqlı paltarda artıq kirləri təmizləmək, maşını mümkün qədər təmiz saxlayır.

- Sərt su zonasında yaşayırsınızsa, axın borusuna əlavə edilmiş su yumşaldıcısını istifadə edə bilərsiniz və ya yuyulmasına su yumşaldıcı tablet əlavə edə bilərsiniz. Bunların hər ikisi əhəngin meydana gəlməsinin miqyasını minimuma endirməyə kömək edəcəkdir.

Təmizlik hər zaman vacibdir!