Tez-tez aşağı temperatur və aşağı rütubətlə keçən qış aylarında, saçlarımız da dəyişən hava ilə əlaqədar hər zamankindən daha çox zədələnməyə meyilli olur. Dərimizin quruması kimi saçlarımızda da quruluq, nəm itkisi, qırılma və zədələnmə kimi şikayətlər meydana gələ bilər. Xüsusilə saç qurutma feni kimi saçlarımıza istilik verən tətbiqlərin istifadəsini qış aylarında daha çox artırırıq. Bütün bu problemlərin qarşısını almaq üçün isə tərkibində bir çox kimyəvi maddə olan saç məhsullarına əslində heç də ehtiyac yoxdur. Daha sağlam və güclü saçlara sahib olmaq üçün evdə edə biləcəyiniz təbii saç baxım metodlarını bu yazıda sizin üçün hazırladıq.

 

 

Quru saçlara qarşı hindistan qozu yağı möcüzəsi

Havaların soyuması ilə birlikdə saçlarınızın quruduğunu və zədələndiyini hiss edirsinizsə, hindistan qozu yağını sınamağınızı qətiyyətlə tövsiyə edirik! Xüsusilə duş qəbul etməzdən 1-2 saat əvvəl saçınıza dibindən sonuna qədər tətbiq etmək saçlarınızı dərindən qidalandıracaq və saçlarınıza yumşaqlıq və güc verəcəkdir. Hindistan qozu yağına istəyinizə uyğun olaraq zeytun yağı və ya arqan yağı da əlavə edə bilərsiniz. Mütəmadi tətbiq nəticəsində saçlarınızın hər zamankindən daha sağlam və güclü olacağını görəcəksiniz.

 

Saçlarınızı sirkə və efir yağları ilə canlandırın

Sirkənin saça faydaları saymaqla bitmir, xüsusən də alma sirkəsi saçlar üçün çox faydalı və təravətləndirici təsirə malikdir. Mütəxəssislərin araşdırmalarına görə sirkə saça parlaqlıq verərək, ölü dərilərin çıxarılmasına imkan yaradır. Bu şəkildə kəpəkdən də xilas olacaqsınız. Alma sirkəsi saçın uzanmasında böyük rol oynayan təbii məhsullar arasında yer alır. Ancaq sirkəni su ilə qarışdırıb saçlara tətbiq etmək lazımdır. Sirkəli suyu saçı yaxalamaq üçün istifadə edə bilərsiniz və ya bir sprey şüşəsinə qoyub gün ərzində saçlarınıza çəkə bilərsiniz. 1-2 xörək qaşığı sirkəyə 4-5 xörək qaşığı su əlavə etməyiniz yetərlidir. Kəskin sirkə qoxusundan qurtulmaq üçün isə çay ağacı yağı, lavanda yağı və ya evkalipt yağı kimi həm saç qidalandırıcı həm də ətirli bir efir yağı əlavə edə bilərsiniz. İlk istifadədə fərqi görməyiniz qaçılmazdır, saçlarınız parlaq və yumşaq olacaq!

 


Avokadonun nəmləndirici gücündən yararlanın

Saçların nəmini qorumaq, güclənməsi və sağlamlığı üçün vacibdir, xüsusən də qışda saçlarımız hər zamankindən daha çox nəm itirir. Saçlarınızdakı nəm itkisinin qarşısını almaq üçün meyvələrdən istifadə edə bilərsiniz. Xüsusilə avokado nəmləndirici xüsusiyyətləri ilə məşhur bir meyvədir. Avokadonun yarısını zeytun yağı ilə əzərək maska ​​kimi tətbiq edərək saçınızı nəmləndirə bilərsiniz. İstəyə uyğun olaraq banan əlavə edərək daha təsirli bir nəticə əldə edə bilərsiniz. Yumşaq olması üçün bu təbii qarışığı saçınızda bir saat saxlamaq kifayət edəcəkdir.

 

Karbonat ilə saçlarınızı minerallı müalicə etməyin vaxtıdır

Şəxsi gigiyena da daxil olmaqla, evlərimizin əvəzolunmazı olan karbonatın istifadəsi həqiqətən məhdudiyyətsizdir.  Xüsusilə itirilmiş mineralları saçlarınıza qaytarmaq və saçlarınıza mineral baxım göstərmək üçün sadəcə 1 xörək qaşığı karbonatı su ilə yapışqan halına gətirərək saçlarınıza sürtməyiniz kifayətdir. İstəyinizə uyğun olaraq yapışqana sirkə və ya efir yağı da əlavə edə bilərsiniz. Yapışqan tətbiq edildikdən 5-10 dəqiqə sonra saçlarınızı yaxalamağınızı məsləhət görürük.

 

Yüksək temperaturdan zədələnmiş saçlar üçün bal möcüzəsi

Qışın gəlişi ilə birlikdə fen  kimi saçımıza yüksək istilik verən prosesləri artırırıq və nəticədə saçlarımız normaldan daha tez bir şəkildə quruyub zədələnir.  Əgər saçlarınızı saç qurutma feni ilə yüksək temperaturda bir neçə dəqiqə qurudursunuzsa ilk növbədə bu proseslərin tezliyini azaltmalısınız. Duşdan çıxdıqdan sonra saçlarınızı saç qurutma feni ilə daha aşağı  temperaturda və uzaq bir məsafədən  yavaşca qurutmaq saçlarınıza vuracağınız zərəri azaldacaqdır. Yüksək temperaturdan zədələnmiş saçlarınızı canlandırmanın bir başqa yolu da bal ilə hazırlanan saç maskalarıdır. Bal həmçinin saçınızı ölü dərilərdən də təmizləyərək, saçınızdakı zərərləri düzəldir və saçları yumşaldaraq gücləndirir. Evdəki ləvazimatlardan asanlıqla bal maskası edə bilərsiniz. 2 xörək qaşığı balın üzərinə 1 xörək qaşığı zeytun yağı və ya hindistan qozu yağı əlavə edib saçlarınızda yarım saat saxlayıb yaxalaya bilərsiniz. İstəyə görə aloe vera və ya avokado da əlavə edib maskanın nəmləndirici gücünü artıra bilərsiniz.