Kiçik qonaq otaqları üçün dekorasiya təklifləri

Qonaq otaqları evdə ən çox istifadə olunan otaqlardan biridir. Evin ən çox vaxt keçirilən otaqlarından biri olduğu üçün qonaq otağının dekorasiyası çox vacibdir. Əgər evinizdə qonaq otağı üçün ayrılan sahə kiçikdirsə, bu otağı dizayn edərkən bir çox vacib məqamları nəzərə almalısınız. Kiçik qonaq otağınızı dizayn edərkən faydalanacağınız bir çox tövsiyələr, bu otaqda keçirəcəyiniz zamanınızı daha da əyləncəli hala gətirə bilər. Bu yazıda kiçik qonaq otağınızın dekorasiyasını asanlıqla tamamlamaq üçün bir neçə dekorasiya təklifləri hazırladıq.

Açıq rənglər seçin

Adətən kiçik otaqların kifayət qədər işıqlanmaması bizi narahat edir. Divarlar və döşəmələriniz üçün seçəcəyiniz açıq rənglər kiçik olan otağınızı daha geniş göstərəcək. Mebel, xalça və pərdələrinizi də seçərkən açıq rənglərdən istifadə edə bilərsiniz. Beləliklə otaq daha geniş və işıqlı görünə bilər. Əsasən ağ rəngdən istifadə etdiyiniz geniş görünən otağınızı müxtəlif aksesuarlarla öz tərzinizə uyğunlaşdıra bilərsiniz.

Geniş mebellərdən uzaq durun

Birdən çox geniş oturacaqları olan böyük divan dəstləri əvəzinə üstünlük verilən künc divan dəstləri, mövcud sahədən səmərəli istifadənizi təmin edir. Xüsusilə L formasındakı divanları otağın küncündə yerləşdirərək otaqdakı sahəyə qənaət etmiş olursuz. Bu halda, otağın genişlənməsinə imkan verərkən isti və rahat bir mühitə sahib ola bilərsiniz.

Otağı yaxşı işıqlandırın

Kiçik otaqları daha geniş göstərmək üçün ətrafı mümkün qədər işıqlandırmaq lazımdır. Açıq rəngli və nazik pərdələr bol günəş işığının otağa daxil olmasına imkan yaradır. Digər tərəfdən işıqlandırma vasitələri çox yer tutmamalı, əksinə kifayət qədər işıq gücü təmin edə bilməlidir. Sadə abajurları, ayaqlı lambaderləri və divara quraşdırılmış işıqlandırıcıları yoxlamağınızı tövsiyyə edirik.

Çoxfunksiyalı məhsullar seçin

Mövzu kiçik otaqlar olduqda, çoxfunksiyalı məhsullar ən böyük köməkçilərimizdən biridir. Bazalı divanlara, içərisində bəzi əşyaları saxlamağa imkan verən puflara üstünlük verməyinizi təklif edirik. Qonaq otağının divarına asa biləcəyiniz geniş güzgülər, dekorasiya elementi olmaqla yanaşı otağın olduğundan geniş görünməsinə şərait yaradacaq.

Televizoru divara yerləşdirin

Televizor qonaq otağında ağıla gələn ilk əşyalardan biridir. Qonaq otağınızdakı televizoru divara yerləşdirməyinizi məsləhət görürük. Bu halda qənaət etdiyiniz sahəni dəyərlənirə bilərsiniz.

Az sayda xalçadan istifadə edin

Çox sayda xalçadan istifadə etmək, kiçik otaqları dizayn edərkən edilən səhvlərdən biridir. Fərqli və enli xalçaların mebel altında istifadə edilməsi, otaqdakı hərəkət sahəsinin daha kiçik olmasına səbəb olur. Sizə məsləhətimiz odur ki, qonaq otağı üçün geniş, açıq rəngli 1 ədəd xalça seçin. Bu halda hərəkət sahəsinin daha geniş olduğunu hiss edərək otaqda vaxt keçirməkdən zövq ala bilərsiniz.

Dekorativ əşyaları məhdudlaşdırın

Kiçik otaqları dizayn edərkən otağın sıx görünməsinin qarşısını almağa çalışırıq. Otaqda istifadəyə yararsız məhsullar seçməkdən çəkinin. Dekorativ elementlərin rənglərini və naxışlarını kifayət qədər sadə seçməyinizi tövsiyyə edə bilərik. Çoxlu kiçik dekorativ elementlərdən istifadə etmək əvəzinə az sayda böyük parçalardan istifadə etməyinizi məsləhət görə bilərik. Dekorativ bəzəklərin rəng və naxış baxımından bir-birinə uyğunluğuna da diqqət yetirməlisiniz.

Və unutmayın ki, evinizin təmizliyi hər şeydən vacibdir! Əgər siz də təm təmizlik işlərinizi peşəkarlara həvalə etmk istəyirsinizsə, o zaman əminliklə cagir.az-a müraciət edə bilərsiniz. Avadanlıq və yuyucu vasitələr icraçı tərəfindən təmin olnur. Sadəcə bir neçə kliklə təmizlik xidməti üzrə icraçı qapınızda. Sifariş üçün bu linkə daxil ola bilərsiniz. Əlaqə nömrəsi: +994703482606.