Son illərdə yediklərimizə və içdiklərimizə dair daha da şüurlu olmağa başlamışıq. Sağlam qidalanmamız lazım olduğuna da əminik. Daha sağlam bir həyat yaşamaq üçün və sağlam yaşlanmaq üçün orqanik qidaların istifadə edilməsinin vacib olduğunu öyrəndikdə, pəhrizimizi orqanik qidalara uyğun olaraq təşkil edirik. Bəs orqanik qida dedikdə nədən danışırıq? Kimyəvi maddələrdən, sintetik gübrələrdən, genetik cəhətdən dəyişdirilmiş orqanizmlərdən (GMO) və radiasiyadan uzaq olan qidalara orqanik qidalar deyirik. Təbii qidalanma bədənimizdəki orqan və sistemlərin sağlam bir şəkildə işləməsini təmin etdiyi üçün əmələ gələn toksinlər bədəndən daha asan çıxarılır.

 


Sağlam torpaqlarda yetişən qidalar orijinal ləzzətini qoruyur, buna görə orqanik qidalanma da ağız dadımıza xitab edir. Orqanik qidalar yeyərək həm özümüzə, həm də təbiətə töhfə veririk. Bu yazıda orqanik qidalanmanın faydalarını birlikdə araşdıracağıq.

 

Orqanik qidaların qida dəyəri yüksək olur.

Bir məhsulun orqanik olması üçün heç bir kimyəvi maddəyə məruz qalmadan böyüməsi lazım olduğunu demişdik. Əlbəttə, təbii toplanması və bizlərə çatmağı prosesində də təbiilliyinin qorunması əsas götürülməlidir. Təbii şəkildə toplanmalı və süfrələrimizə ən təbii formada çatmalıdır. Vəziyyət belə olduqda isə tərkiblərində həşərat dərmanı, bitki öldürücülər, böyümə hormonları kimi zərərli maddələr olmaz. Orqanik yetişdirilirlər və əkinçilərin özləri tərəfindən istehsal olunan təbii həşərat dərmanı ilə dərmanlanıb gübrələnirlər. Beləliklə, onların qida dəyəri daha yüksək olur. Bədənimizin ehtiyac duyduğu vitamin və mineralları daha təsirli şəkildə əldə etməyimizə imkan yaradır. Orqanik qidalar sayəsində kimyəvi maddələr səbəbiylə bədənimizə daxil ola bilən virus və bakteriyalardan uzaqlaşmış oluruq.

 

Orqanik qidalanan zaman təbiəti də qoruyuruq

Ənənəvi əkinçilik üsulları ilə yetişdirilən orqanik qidaların tərkibində zərərli kimyəvi maddələr olmadığı üçün ətraf mühit üçün zərərli deyillər. Orqanik əkinçilik zamanı sağlam böyümə dövrü keçirmək və ətraf mühiti qorumaq üçün rotasiya işləri aparılır. Torpaqda heç bir kimyəvi maddə olmadığı zaman torpaq və su bu kimyəvi maddələrlə təmasda olmur. Bu, torpağı məhv etmək əvəzinə qoruyur və daha uzun müddət məhsul verəcək sağlam torpaqla təmin edir. Orqanik əkinçilik torpaqları qorumaqla yanaşı çirklənmə və eroziyanı azaltmağa da kömək edir. Su qaynaqlarını qorumaqla gələcəyimizə də kömək edir. Başqa sözlə, orqanik qidalar yeyərək dünyamızı qorumaqla gələcəyimizi də zəmanət altına almış oluruq

 


Orqanik qidalanmağa başlamaq olduqca asandır.

Bu günə qədər orqanik bəslənmədə heç bir addım atmamış ola bilərik, ancaq kiçik addımlarla orqanik qidalanmaya başlaya bilərik. Ağ un istifadə etmək əvəzinə orqanik kakos unu, badam unu və fındıq unundan istifadə edə bilərik. Orqanik olaraq yetişdirilən tam taxıllı qida olan chia toxumundan istifadə edə bilərik. GMO olmayan qlütensiz bir taxıl olan ağ kinoa ilə dadlı reseptlər hazırlaya bilərik.

 

Orqanik qidalar niyə bahalıdır?

Orqanik əkinçiliyin sertifikatlaşdırılması və sertifikatlaşdırma prosedurlarının ödənişli olması orqanik məhsulların qiymətini artırır.

Heç bir kimyəvi maddə istifadə edilmədiyi üçün orqanik kənd təsərrüfatının səmərəliliyi daha aşağıdır və bu da məhsulların daha bahalı olmasına səbəb olur.

Orqanik qida və kənd təsərrüfatı istehlakçılardan kifayət qədər dəstək ala bilmədiyi üçün orqanik istehsal müəssisələri kiçik olduğundan vahid xərcləri yüksəkdir. Bu gün kimyəvi maddələrin, qatqıların insan sağlamlığına vurduğu zərərləri öyrənmək, məlumatlanmanın artması və insanların istifadə etdiyi qidalara həssas olması diqqətəlayiq və xoşdur.